Молитва о мирном урегулировании кризиса и кровавых столкновений в Украине

Возлюбленные о Господе отцы, братья и сестры!  23 февраля 2014 года, за Божественной литургией вознесем особую молитву о мирном урегулировании кризиса и кровавых столкновений в Украине. Обращение зачитываем после чтения Евангелия, перед сугубой ектеньей с специальными прошениями. По окончании литургии - лития о погибших.

ОСОБЫЕ ПРОШЕНИЯ НА СУГУБОЙ ЕКТЕНИИ

БОЖЕСТВЕННОЙ ЛИТУРГИИ

23 февраля 2014 г.

О еже милостивым оком призрети на Украину и сотворити ю целу и непреобориму от восстающих в ней и распри творящих, молим Тя, Милосердый Господи, услыши и помилуй.

О еже просвети мысли ожесточением помраченных светом своего богоразумия, верных же Своих в стране Украинстей укрепити непоколебимых соблюсти, молим Тя, Всесильный Творче, услыши и помилуй.

Давый заповедь Твою нам, еже любити Тебе Бога нашего и ближняго своего, сотвори, да ненависти, вражды, обиды, мздоимства, кровопролития и прочая беззакония на Украине творимыя прекратятся, истинная же любовь да царствует в народе ея, молим ти ся, Спасителю наш, услыши и милостивно помилуй.

далее Молитва:

Всевышний Боже, Владыко и Содетелю всея твари, наполняяй вся величеством Твоим и содержай силою Твоею.

К Тебе Великодаровитому Господу нашему припадаем, сердцем сокрушенным и усердною молитвою о стране Украинстей распрями и нестроениями раздираемей.

Премилосердый и Всесильный, не до конца гневайся, Господи! Буди милостив нам, молит Тя Твоя Церковь, преставляющи Тебе начальника и совершителя спасения нашего Иисуса Христа. Укрепи силою Твоею верныя люди в стране Украинстей, заблуждающим же просвети разумныя очи светом Твоим божественным, да уразумеют Твою истину, умягчи их ожесточение, утоли вражды и нестроения на страну и мирныя люди ея воздвизаемая, да все познают Тебе, Господа и Спасителя нашего. Не отврати лица Твоего от нас, Господи, воздаждь нам радость спасения Твоего. Помяни милости, яже показал еси отцем нашим, преложи гнев Твой на милосердие и даждь народу украиинскому помощь, в скорби сущим.

Молит Тя, Твоя Церковь, представляющи Тебе ходатайство всех святых в землях наших просиявших, изряднее же Пресвятыя Богородицы и Приснодевы Марии от лет древних покрывающия и заступающия страны наша. Возгрей сердца наша теплотою благодати Твоея, утверди волю нашу в воли Твоей, да якоже древле, тако и ныне прославится всесвятое имя Твое, Отца и Сына и Святаго Духа, во веки веков.

Аминь.